ഫെബ്രുവരിയിൽ യഥാർത്ഥ ജിഡിപി 0.2% ഉയർന്നു: സ്റ്റാറ്റിസ്റ്റിക്സ് കാനഡ
ഓട്ടവ : ജനുവരിയിലെ 0.5% നേട്ടത്തെ തുടർന്ന് ഫെബ്രുവരിയിൽ യഥാർത്ഥ മൊത്ത ആഭ്യന്തര ഉൽപ്പാദനം 0.2% ഉയർന്നതായി സ്റ്റാറ്റിസ്റ്റിക്സ് കാനഡ. ഗതാഗതത്തിലും വെയർഹൗസിങിലുമുള്ള തിരിച്ചുവരവാണ് ഈ നേട്ടത്തിന് കാരണമെന്ന് ഫെഡറൽ ഏജൻസി പറയുന്നു. ഈ പാദത്തിൽ ജിഡിപി 0.6% അല്ലെങ്കിൽ വാർഷികാടിസ്ഥാനത്തിൽ 2.5% വളർച്ച നേടിയതായി ഏജൻസി കണക്കാക്കുന്നു.
![](http://mcnews.ca/wp-content/uploads/2023/12/Geo-mathew-RCIC-1024x576.jpg)
ഖനനം, എണ്ണ-വാതകം വേർതിരിച്ചെടുക്കൽ മേഖലകൾ വളരുകയും യൂട്ടിലിറ്റീസ്, മാനുഫാക്ചറിംഗ് മേഖലകൾ ചുരുങ്ങുകയും ചെയ്തതിനാൽ ചരക്ക് ഉൽപ്പാദിപ്പിക്കുന്ന വ്യവസായങ്ങളിൽ കാര്യമായ മാറ്റമുണ്ടായിട്ടില്ലെന്ന് സ്റ്റാറ്റിസ്റ്റിക്സ് കാനഡ പറയുന്നു. മൊത്തത്തിൽ, ഫെബ്രുവരിയിൽ 20 സെക്ടറുകളിൽ 12 എണ്ണവും നേട്ടത്തിലെത്തി.
![](http://mcnews.ca/wp-content/uploads/2024/01/ARUNKUMAR-NEW-1024x587.jpeg)
അതേസമയം കനേഡിയൻ സമ്പദ്വ്യവസ്ഥയിലെ വളർച്ചയുടെ വേഗം വർഷത്തിൻ്റെ ആദ്യ പാദത്തിൽ മന്ദഗതിയിലാകാൻ സാധ്യതയുണ്ടെന്നും സ്റ്റാറ്റിസ്റ്റിക്സ് കാനഡയുടെ ആദ്യകാല കണക്കുകൾ സൂചിപ്പിക്കുന്നു.